Thu, 21 Nov 2019

Cebuano News: LGU Santiago napatuman ang 100% road clearing

Philippine Information Agency
15 Oct 2019, 22:38 GMT+10

DAKBAYAN SA BUTUAN, Oktubre 15 -- Nakab-ot sa lokal nga panggamhanan sa Santiago ning lalawigan ang 100% rating nga hawan sa kadalanan human kini ma-assess ug ma-validate sa Department of Interior and Local Government Agusan del Norte bag-ohay pa lamang.

Mituman si Santiago Mayor Franklin D. Lim sa DILG Memorandum Circular 2019-121, ang direktibo gikan ni Presidente Rodrigo Duterte aron mahawan ang mga kadalanan sa mga ilegal nga istruktura ug mga konstruksyon.

Ubos sa maong direktiba, gi-awhag ang tanan local chief executives sa pagpatuman sa ilang gahum sa pag-reclaim sa mga pampublikong kadalanan nga nagamit na sa ubang lumolopyo isip pribado nga dalan.

Obserbasyon usab nga ang mga panpublikong dalan gigamit sa mga negosyante nga butangan sa ilang mga struktura ug mga baligya.

Sa taho ni DILG Agusan del Norte Provincial Director Ellen Vee Chua, atol sa 1st Joint Provincial Development Council (PDC)- Provincial Peace and Order Council (PPOC) Meeting niadtong Oktobre 11 didto sa Balanghai Hotel and Convention Center, syudad sa Butuan, ang uban lungsod ug syudad sa lalawigan nakakuha sa rating nga: 90 - Cabadbaran, 85- Buenavista, 80- Carmen, 95 - Jabonga, 90 - Kitcharao, 85 - Las Nieves, 70 - Magallanes, 90 - Nasipit, 90- RTR, ug 75 - Tubay.

Mipadayag ang uban mayor atol sa nasangpit nga joint meeting nga ilang isiguro nga mamahimong 100% rating na ang road clearing sa sunod nga assessment ug validation sa DILG. (Aimee B. Sienes, LGU Agusan del Norte/PIA Agusan del Norte)

More Jamaica News

Access More

Sign up for Jamaica News

a daily newsletter full of things to discuss over drinks.and the great thing is that it's on the house!