Tue, 20 Nov 2018
30
Kingston

LAOAG CITY, Oktubre 31 (PIA) - Nakasaganan ti probinsia iti Ilocos Norte para kadagiti maisayangkat a nadumaduma nga aktibidad para iti 'Semana ti Ar-aria' ita a tawen.

Kalikagum ti probinsia nangnangruna ti Provincial Tourism Office (PTO) ti pannakapapintas ti selebrasion tapno maparagsak dagiti umay bumisita a turista kadagita nadumaduma a paset iti Ilocos Norte.

Segun kenni Xavier Ruiz iti PTO, addaan ti tema a "Spanish/Mexican heritage" ti selebrasion ti maikapito a "Semana ti Ar-aria" ita a tawen. Maiparang iti selebrasion dagiti nagtipon a tradision ti Ilocano ken Mexico a kas maiyarig iti "animated film" a "Coco".

Kinuna ni Ruiz a nasapa a nagsagana ti opisinada para iti maikapito a tawen ti nasao a selebrasion gapu ta saan laeng a paborito dagiti ubbing daytoy ngem ketdi uray pay dagiti turista.

Mainaig iti daytoy, kinunana a kas kadagiti kallabes a tawen, maisayangkat manen dagiti gagangay nga aktibidad ti piesta a kas iti "foodstrip" iti asideg ti kapitolio, zombie run wenno taray ar-aria iti Laoag City ken ti block buster a trick or treat iti kapitolio ken idiay Batac City.

Kabayatanna, saan a natuloy ti pannaka-pasamak ti "Parada Iloca-locana idi Oktubre 31 gapu iti idadateng ni Bagyo Rosita ken mapasamakto inton Nobiembre 5. Ti nasao a parada ti maysa a kangrunaan nga aktibidad ti piesta ken paborito dagiti umili ken turista a buyaen gapu kadagiti artistiko a "makapaseggar dutdot" nga itsura dagiti agparada ken ti pannakaipabuya kadagiti nangayed a float .

Inpadamag pay ni Ruiz nga adda ti plano dagiti private travel agency a mangiyuswat met ti "ar-aria event" idiay Paoay sand dunes.

Innayonna a paset pay ti selebrasion ti pannakaisayangkat manen ti "tumba festival" idiay ili ti Paoay inton Nobiembre 1-2, a kas pananglagip ti piesta dagiti natay. (FGL/CJDG, PIA1-Ilocos Norte)

Sign up for Jamaica News

a daily newsletter full of things to discuss over drinks.and the great thing is that it's on the house!